പുനരുദ്ധാരണ സമർപ്പണം

തിരുവനന്തപുരം ജില്ലയിൽ നെയ്യാറ്റിൻകര, പെരുങ്കടവിള, കുറ്റിയാണിക്കാട് മേലെപുലിക്കോട്ട്കോണം മൂർത്തിനട ക്ഷേത്രം, അറുപത് വർഷങ്ങളായി പൂജയും മറ്റു ആരാധനകളൊന്നും തന്നെ ഇല്ലാതെ എല്ലാം നാമാവശ്ശേഷമായ രീതിയിൽ കിടന്നിരുന്ന ഒരു ക്ഷേത്ര സന്നിധിയാണ്, മേലെപുലിക്കോട്ടുകോണം മൂർത്തിനട ക്ഷേത്രം.

പുരാതന കാലം മുതൽ തന്നെ വച്ചാരാധനയും മറ്റും മാർത്താണ്ഡവർമ്മ യുടെ കാലം മുതൽക്ക് തന്നെ ഉണ്ടായിരുന്നു. ഇവിടെത്തെ ക്ഷേത്രത്തിൽ യോഗീശ്വരമൂർത്തി, മന്ത്രമൂർത്തി, മേലാങ്കോട് യക്ഷിഅമ്മ (ചേട്ടത്തി), ഗണപതി ഭഗവാൻ, മറുതാ മൂർത്തി, മാടൻ തമ്പുരാൻ എന്നീ ദൈവീക പ്രതിഷ്ഠ ഉണ്ടായിരുന്നു.

അറുപത് വർഷത്തോളം പൂജകളൊന്നും തന്നെ ഈ ക്ഷേത്രത്തിൽ ഉണ്ടായിരുന്നില്ല. രണ്ട് വർഷം മുൻപ് ഇവിടെ ദേവപ്രശ്നം നടത്തുകയുണ്ടായി. ആയതിൻ പ്രകാരം മൂർത്തിമാരെ ബാലാലയപ്രതിഷ്ഠ നടത്തുകയും, എല്ലാ മാസവും പൗർണ്ണമി നാളിൽ പൂജയും നടത്തിവരുന്നു.

ഇതിനോടകം തന്നെ ക്ഷേത്രത്തിന് രണ്ട് ശ്രീകോവിലുകളും വാർത്തു. ഉൾവശം ചുവര് പൂശി, തറ ഇടേണ്ട ജോലിയും, മറ്റു ഉപദേവന്മാർക്ക് പ്രതിഷ്ഠക്കുള്ള പീഠവും ചെയ്യേണ്ടതായിട്ടുണ്ട്. മണിക്കിണർ, തിടപ്പള്ളി, ആഫീസ് മുറി എന്നിവക്കും, ചുറ്റുമതിൽ കെട്ടുന്നതിനും മറ്റും സാമ്പത്തികം ഒരു പ്രധാന ഘടകമാണ്. ക്ഷേത്രത്തിനായുള്ള 10 സെന്റ് സ്ഥലം മാത്രമേ സ്വന്തമായിട്ടുള്ളൂ. ഉഗ്രമൂർത്തിമാരെ യഥാവിധി കർമ്മങ്ങൾ ചെയ്ത് പ്രതിഷ്ഠിക്കുന്നതിന് പത്ത് ലക്ഷം രൂപയെങ്കിലും ഉണ്ടെങ്കിൽ മാത്രമേ, ഇനിയുള്ള പുനരുദ്ധാരണ ജോലി ചെയ്തു തീർക്കാൻ സാധിക്കുകയുള്ളൂ. ഇതിനായി ഒരു സഹായഹസ്തം ആവശ്യമായി വന്നിരിക്കുകയാണ്.

ആറ് ദിവസത്തെ ഹോമകർമ്മം, ആവാഹന പൂജയാണ് ക്ഷേത്രവുമായി ബന്ധപ്പെട്ട് പ്രതിഷ്ഠക്ക് വേണ്ടതെന്ന് തന്ത്രി പന്തളം രാമനിലയം ഇല്ലത്ത് വേണുഗോപാൽ പോറ്റി അവർകൾ പറഞ്ഞിട്ടുള്ളത്. ദൈവവിശ്വാസികളായ എല്ലാവരും കഴിയുംവിധം സഹായം നൽകുകയാണെങ്കിൽ ഇത് ഒരു പുണ്ണ്യ സൽക്കർമ്മം ആയിരിക്കും. ഈ എളിയ സഹായം ഉണ്ടെങ്കിൽ മാത്രമേ ഉഗ്രമൂർത്തിമാരെ പ്രതിഷ്ഠ നടത്തി, അവരെ ശാന്തരാക്കി, യഥാവിധി പൂജ നടത്താൻ സാധിക്കുകയുള്ളൂ. ദയവായി ഈയൊരപേക്ഷ വായിക്കുന്നവരും കാണുന്നവരും ക്ഷേത്രത്തിന്റെ അക്കൗണ്ടിലേക്ക് സാമ്പത്തിക സഹായം നൽകണമെന്ന് വിനയപൂർവ്വം അപേക്ഷിക്കുന്നു.